O proxecto
Terra da Auga é un experimento, unha iniciativa pioneira que busca conectar persoas e proxectos locais para inspirar, unir forzas e multiplicar efectos no territorio.
Somos un proxecto vivo, innovador e en expansión, que conecta e vertebra as persoas, a cultura e o medio dunha biorrexión á que demos en chamar Terra da Auga.
A contorna de Terra da Auga márcaa a natureza e abrangue da cunca hidrográfica do Eo, na vertente cantábrica, ás cuncas do Baixo Miño-A Limia e o Douro, a ambas as beiras de Galicia e Portugal.
Terra da Auga
Terra da Auga é un proxecto pioneiro, vivo e en expansión que conecta persoas e iniciativas locais, cultura, biodiversidade e recursos.
A contorna de Terra da Auga márcaa a natureza e abrangue da cunca hidrográfica do Eo, na vertente cantábrica, ás cuncas do Baixo Miño-A Limia e o Douro, a ambas as beiras de Galicia e Portugal.
A misión
Ser un referente territorial como espazo de relación, sinerxias e cambio real, sen influenzas ideolóxicas nin intereses partidistas. Somos o paraugas que xunta todas as persoas cunha visión do mundo común.
Aló polo 2021, un grupo de persoas decididas a mellorar o benestar social, natural e económico aquí, na terra da auga, decatámonos de que:
- Somos un territorio rico en recursos e xentes, pero non valoramos o que temos nin o que somos.
- Hai persoas facendo cousas enormes que non recoñecen o seu poder e liderazgo, e autolimitan o seu potencial.
- Ir contracorrente desgasta. A soidade e perda de ilusión está detrás do fin de moitos grandes proxectos.
- Non arriscamos polo crecemento común. Somos unha masa de proxectos minifundistas non-interconectados.
A Misión
Ser un referente territorial como espazo de relación, sinerxias e cambio real, sen influenzas ideolóxicas nin intereses partidistas. Somos o paraugas que xunta todas as persoas que comparten unha visión do mundo común. Voando en bando, acadamos metas máis ambiciosas.
O método
O método é sinxelo: se ti estás ben, se coñeces os teus límites e fortalezas, se valoras o teu e o dos demais, has fomentar unha cultura crítica social e colaborativa, e, entre todos, o cambio será real e exponencial: na saúde e benestar social, na economía e no habitat.
Terra da Auga céntrase en:
TI
Queremos que ti fagas o cambio. Acompañamos vitalizadores do territorio para que recoñezan o seu potencial e valor persoal, acepten os seus límites e atrancos, aprendan a coidar e coidarse, e conten a súa historia para inspirar outras.
A CULTURA
Cando a xente está en contacto, as redes, as ideas e os proxectos técense sós. Creamos espazos de cultura colaborativa arredor dun reto común como vía para acadar solucións reais e efectivas.
O TERRITORIO
Se somos grandes, somos visibles. Hai coñecemento, hai cartos, hai ideas, hai proxectos en marcha e colaboracións en potencia. Queremos unir os puntos e mobilizalos por ti, e tamén por nós. Porque queremos seguir vivindo nun lugar fermoso.
O Método
O método é sinxelo: se ti estás ben, se coñeces os teus límites e fortalezas, se valoras o teu e o dos demais, has fomentar unha cultura crítica social e colaborativa, e, entre todos, o cambio será real e exponencial: na saúde e benestar social, na economía e no habitat.
Terra da auga céntrase en:
TI
Queremos que ti fagas o cambio. Acompañamos vitalizadores do territorio para que recoñezan o seu potencial e valor persoal, acepten os seus límites e atrancos, aprendan a coidar e coidarse, e conten a súa historia para inspirar outras.
A CULTURA
Cando a xente está en contacto, as redes, as ideas e os proxectos técense sós. Creamos espazos de cultura colaborativa arredor dun reto común como vía para acadar solucións reais e efectivas.
O TERRITORIO
Se somos grandes, somos visibles. Hai coñecemento, hai cartos, hai ideas, hai proxectos en marcha e colaboracións en potencia. Queremos unir os puntos e mobilizalos por ti, e tamén por nós. Porque queremos seguir vivindo nun lugar fermoso.
A equipa
Detrás do ecosistema de Terra da Auga, hai unha equipa motora creativa, diversa e aliñada
É unha arquitecta do visual e o espacial, capaz de contalo todo cunha imaxe. Encárgase de moldear os espazos e encontros, e de crear o imaxinario de Terra da Auga con enxeño e fantasía.
Alba é agarimo e curriñismo. Inspira co exemplo e o seu sorriso constante deixa claro que atopou o seu lugar no mundo. Parece calada ata que… dá unha pincelada que cambia as augas e sucede maxia.
Terra da Auga axuda a Alba a ver e verse con claridade.
María ponlle voz ás augas de Terra da Auga e traduce en palabras o que somos e queremos ser. Vai tecendo a identidade da nosa visión e obxectivos para que a mensaxe se entenda, inspire e conecte.
Un remuíño no día a día, María vólvese meticulosa e metódica cando se pon ante unha folla en branco. A ironía é a súa forma natural de comunicarse. Analízao todo con cen ollos, gústanlle os retos e as novidades, e está aprendendo a aceptar os seus límites.
Terra da Auga fíxoa recuperar a ilusión polo cambio.
Por moito que non lle guste o termo, Laura é a nosa CEO. É o motor que nos fai rodar, a facilitadora de alianzas con outras iniciativas e a nosa relacións públicas por excelencia.
É un terremoto que sempre pensa que avanza lento. Laura está en todos os proxectos rexenerativos e innovadores que existen, e parécelle pouco. A súa capacidade para pensar a grande escala fai dela unha visionaria que sabe que outra realidade é posible.
Terra da Auga ensina a Laura… a ser máis flexible e deixarse fluír polo entusiasmo.
É o coordinador que mantén a orde na nosa desorde e devólvenos ao rego con franqueza cando perdemos o foco. Mantén a cohesión dende a observación.
Sempre atopa as palabras exactas para descolocarte por completo e facerte reflexionar. Ramón ve claro o camiño e a súa capacidade para lernos a todos con transparencia axúdanos a coñecernos mellor e, sobre todo, a aceptarnos. É un facilitador natural do crecemento colectivo.
A Ramón Terra da Auga reconéctao coas súas raíces e a súa lingua.
Non entendo
Nós tampouco. Somos un grupo de xente galega en contacto con proxectos de fóra que non entende como é posible que outras rexións progresen con tan pouco e nós sempre esteamos atoados.
- O noso territorio é un vaivén de proxectos pequenos que morren ao pouco.
- Os recursos existen, pero non chegan.
- A nosa dispersión xeográfica bloquea a conexión entre iniciativas.
- Hai un movemento mundial en marcha e non facemos parte.
Temos unha terra con recursos naturais, culturais e sociais.
Temos xente con gana de mantela e outra facendo cousas por preservala.
- Deixar de traballar a pequena escala.
- Activar o teu xene de cooperar.
- Coidar da xente e da terra, para que se coiden mutuamente.
- Ser unha base de datos completa das iniciativas territoriais.
- Facer que os fondos e as subvencións cheguen aos proxectos pequenos.
- Lograr que os talentos se encontren.
- Visibilizar os problemas sociais e estruturais, para encaralos en sociedade.
- Dar voz e inspirar con historias de impacto reais.
Deixando de subirnos tarde aos carros e adiantándonos a eles. Temos un ecosistema singular.
Fomos entendendo que cada persoa está nun punto e ten necesidades diferentes: espazos de orientación, contacto con investimentos, redes de recursos. Poñemos foco en axudalas dende aí.
Chegaches ata aquí porque tes un ollar curioso. Déixate guiar por el e únete ao reto rexenerativo.
